Өмнөд Солонгосын технологийн тэргүүлэгч Самсунг корпораци энэ оны хоёрдугаар улиралд Galaxy S6 гар утсаа танилцууллаа. Тус компанийн зүгээс энэхүү шинэ загварын ухаалаг утсаараа ашиг орлогоо нэмэгдүүлж чадна хэмээ таамаглаж байгаа аж. S6 Edge утсыг бүтээхэд тавигдсан шаардлага нь таамаглаж байснаас хавьгүй сайн болсон гэдгийг мөн компанийн ажилтан мэдэгдсэн юм. Apple болон Хятадын хямд ухаалаг утас үйлдвэрлэгчид зэрэг өрсөлдөгчдийн үйл ажиллагаа ширүүн байсан учир компанийн нэгдүгээр улирлын ашиг эрс буурсан юм. Өнгөрөгч 1-3 дугаар сар хүртэлх хугацаанд ашиг орлого нь жилийн өмнөхөөс 40 хувиар буурч, 4.3 тэрбум ам.доллар буюу 4.6 их наяд вон болсон байна.

Компанийн нийт орлого нь 12 хувиар буурч, 47.12 их наяд вон болж, үйл ажиллагааны орлого нь 30 хувиар буурч, 6 их наяд вон болсныг сарын эхээр гарсан судалгааны дүн харуулж байгаа юм. Тиймээс шинээр худалдаанд гаргаж буй S6 Edge ухаалаг утас Самсунг компанийн ашиг орлогоо нэмэгдүүлэх гол найдвар болоод байгаа аж.